2014-imi isumaginninnermut ikiorsiissutinik pisartut
2014-imi isumaginninnermut ikiorsiissutinut kisitsisitigut paasissutissat ukiunut kingullernut naleqqiullugu annertusineqarpoq. Kisitsisitigut paasissutissanik saqqummersitsineq arlalinngorlugu agguaanneqarpoq, najoqqutat aammalu periaatsit assigiinngitsut atorlugit ikiorsiissutit suuneri apeqqutaatinneqarlutik. Tamanna pivoq Naatsorsueqqissaartarfiup naleqquttumik naatsorsuutinut naliliineratigut.
Saqqummersitat arlalikkaartumik immikkoortillugit suliarinerisa peqqissaartumik kisitsisitigut paasissutissaliorneq ajornannginnerulersippaa.
2015-imi isumaginninnermut tunngasut saqqummertussat tulleriiaarlugit ima isikkoqarput, ullut saqqummerfissai ungaluutini allassimapput.
2014-imi isumaginninnermut ikiorsiissutinik pisartut (26.juuni 2015)
Saqqummersitaq maannamut isumaginninnermut tunngasunik paasissutissiarisartakkatsinnit ingerlateqqitaavoq. Tassani kisitsisitigut paasissutissiarineqarput isumaginninnermi ikiorsiissutinik pisartagallit, soorlu utoqqalinermi soraarnerussutisiallit, siusinaartumik soraarnerusutisiallit, ernereernermi ullormusiallit, pisortanit ikiorsiissutinik pisartut aammalu suliffeqanngikkallarnermi ikiorsiissutinik pisartut amerlassusaat.
2014-imi isumagininnermut ikiorsiissutinik pisartut-ni inuit ukiup 2014-ip ingerlanerani ikiorsiissutinik pineqartunik pisartagalittut allattorneqarsimasut pineqarput, apeqqutaanani ukiup ingerlanerani aningaasanik qanoq amerlatigisunik aammalu piffissami sivikinnerusumi sivisunerusumiluunniit pisartagaqarsimaneq. Paasissutissat ikiorsiissutinik pisartagaqartunut tunngasut soorlu sumi najugaqarnermut tunngasut kommuunit naatsorsuuserisarfiannit Winformatik-imik taaneqartumit aaneqarput.
Kisitsisitigut paasissutissanik allaganngorlugu saqqummersitsisoqassanngilaq. Atuisulli Kisitsisaataasivimmut aamma Naatsorsueqqissaartarfiup nittartagaani periaatsit nassuiaatsitaannut innersuunneqarput.
Kisitsisaataasivimmi: http://bank.stat.gl
Kisitsisitigut paasissutsissiornermi periaatsit nassuiaataat: www.stat.gl/SOD201501/m1
2014-imi pisortanit soraarnerussutisiallit (26.juuni 2015)
Saqqummersitaq nutaaq utoqqalinermi soraarnerussutisiat aammalu siusinaarluni soraarnerussutisiat qaammat decembarimi, aningaasat tunngaviusut aammalu Kalaallit Nunaanni inunnik nalunaarsuiffimmi ukiup naanerani allattorsimasut malillugit suliaapput.
Soraarnerussutisianik pisartut pillugit paasissutissat kommuunit naatsorsuuserisarfiannit Winformatik-imik taaneqartumit, Naatsorsueqqissaartarfiup inunnik nalunaarsuiffianit aammalu pisortat akissarsialeriviannit aaneqarput.
Kisitsisitigut paasissutissanut tunngatillugu saqqummersitsisoqassaaq. Annertunerusumik kisitsisit paasissutissat Kisitsisaataasivimmi takuneqarsinnaapput.
Kisitsisaataasivimmi: http://bank.stat.gl
Kisitsisitigut paasissutissanut periaatsit nassuiaataat: www.stat.gl/SOD201502/m1
Saqqummersitaq: www.stat.gl/SOD201502/o1
Utaqqiisaagallartumik isertitanut taarsiissutaasunik ikiorsiissutinik pisartut (26.juuni 2015)
Saqqummersitaq nutaaq pisortanit ikiorsiissutinik, suliffeqanngikkallarnermi ikiorsiissutinik aammalu ernereernermi ullormuasianik pisartut nalunaarsornerinik imaqarpoq. Kisitsisitigut paasissutissani ikiorsiissutinik 500 kr. sinnerlugu aammalu pisortanit suliffeqanngikkallarnermi ernereernermilu ikiorsiissutinik 1.000 kr. sinnerlugu ukiumut pisartunik Kalaallit Nunaannilu inuit nalunaarsuiffianni ukiup naanerani allattorsimasunik imaqarpoq.
Paasissutissat ikiorsiissutinik pisartagaqartumut tunngasut kommuunit naatsorsuuserisarfiannit Winformatik-imik taaneqartumit aammalu Naatsorsueqqissaartarfiup inunnut nalunaarsuiffianit aaneqarput.
Kisitsisitigut paasissutissanut tunngatillugu saqqummersitsisoqassaaq. Annertunerusumik kisitsisit paasissutissat Kisitsisaataasivimmi takuneqarsinnaapput.
Kisitsisaataasivimmi: http://bank.stat.gl
Kisitsisitigut paasissutissanut periaatsit nassuiaataat: www.stat.gl/SOD201501/m1
Saqqummersitaq: www.stat.gl/SOD201501/o1
Pisortanit tapiissutinik pisartagallit (31.juuli 2015)
Saqqummersitaq nutaaq ineqarnermut tapiissutinik aammalu meeqqanut tapinik imaqarpoq. Saqqummersitaq Kisitsisaataasivimmi kisitsisinik ilaqarpoq.
Paasissutissat allat